რამდენი მილიონი ლარის შემოსავალი და მოგება აქვს თბილისის საერთაშორისო აეროპორტის ოპერატორ TAV Georgia-ს?

რამდენი მილიონი ლარის შემოსავალი და მოგება აქვს თბილისის საერთაშორისო აეროპორტის ოპერატორ TAV Georgia-ს?

“ტავ ურბან საქართველო” საქართველოს უმსხვილესი – თბილისის საერთაშორისო აეროპორტის ოპერატორია. კომპანიამ კანონმდებლობის შესაბამისად, საკუთარი 2022 წლიური ფინანსური და მმართველობითი ანგარიში გაასაჯაროვა. 

დოკუმენტის თანახმად, გასულ წელს აეროპორტის მიერ მიღებულმა შემოსავალმა 74 მილიონი ლარით იმატა და 234 მილიონი ლარი შეადგინა. მკვეთრად გაუმჯობესდა “ტავის” მოგებიანობაც. აეროპორტმა გასულ წელს 117 მილიონი ლარის წმინდა მოგება გამოიმუშავა, რაც 42-მილიონიან ზრდას შეადგენდა. შესაბამისად, კომპანიის წმინდა მოგების მარჟა 50%-ს შეადგენს. 

2022 წელს აეროპორტი 3,526,373 მგზავრს მოემსახურა, რაც წლიურად 78%-იანი მატება იყო, თუმცა პანდემიამდელ 2019 წელს 19%-ით ჩამორჩებოდა. 

თბილისის აეროპორტის შემოსავლის ძირითადი მდგენელი არის აეროპორტის მოსაკრებელი გამფრენ მგზავრზე, რაც ავიაკომპანიებისთვის მგზავრზე 24 დოლარს შეადგენს. 

“ტავ ურბან ჯორჯია არის “TAV Airports Holding”-ის წევრი [“Aéroport De Paris” ჯგუფის წევრი], რომელმაც საქართველოში ოპერირება 2005 წელს დაიწყო [რეგისტრაციის ნომერი 206203491] და განახორციელებს საქმიანობას 2027 წლამდე “საქართველოს აეროპორტების გაერთიანებასთან” არსებული მშენებლობა-ოპერირება-ტრანსფერის (BOT) ხელშეკრულების ფარგლებში.

2020-2021 წლები და 2022 წლის ნახევარი კომპანიისთვის განსაკუთრებით რთული აღმოჩნდა უახლესი ისტორიის მანძილზე. ერთ-ერთი ყველაზე მეტად დაზარალებული სექტორი მსოფლიო ეკონომიკაში კოვიდ პანდემიისაგან სწორედ სამოქალაქო ავიაცია იყო. თუმცა წინა წლებში დაგროვილმა გამოცდილებამ, ფინანსურმა მდგრადობამ და მოქნილობამ მმართველობით რგოლში, პანდემიის მწვავე ზეგავლენის მიუხედავად, გამოიწვია ის, რომ კომპანიამ 2022 წელს მოახერხა 2019 წლის (პანდემიამდელი წელი) წმინდა მოგების 72%-ის აღდგენა და 2021 წელთან შედარებით მნიშვნელოვნად გაიზარდა (55%-იანი ზრდა)”- ნათქვამია კომპანიის მმართველობით ანგარიშში.

მსგავსი სიახლეები

რეფორმა გაზის სექტორში – მზადაა თუ არა ქვეყანა გაზის ბირჟის გახსნისთვის?

რეფორმა გაზის სექტორში – მზადაა თუ არა ქვეყანა გაზის…

ენერგეტიკული ბირჟის გახსნის შემდეგ, საქართველოს ანალოგიური პლატფორმის ამოქმედება გაზის სექტორშიც მოუწევს. ეს იმ ვალდებულების ნაწილია, რომელიც საქართველომ ევროპის ენერგეტიკულ გაერთიანებაში გაწევრიანებით…
სახელმწიფო ტაბახმელაში ქონებას 1 225 000 ლარად ყიდის

სახელმწიფო ტაბახმელაში ქონებას 1 225 000 ლარად ყიდის

სახელმწიფო ტაბახმელაში ქონებას ელექტრონულ აუქციონზე 1 225 000 ლარად ყიდის. ქონების ეროვნულმა სააგენტომ სოფელ ტაბახმელაში 5 834 კვ.მ.-ის ფართობის არასასოფლო-სამეურნეო დანიშნულების…
სექტემბერში ფულადი გზავნილები 1%-ით შემცირდა

სექტემბერში ფულადი გზავნილები 1%-ით შემცირდა

2024 წლის სექტემბერში ქვეყანაში შემოსული ფულადი გზავნილების ნაკადების მოცულობამ 283.4 მლნ აშშ დოლარი შეადგინა, რაც 1.1%-ით (3.0 მლნ აშშ დოლარით) ნაკლებია…